Ministria e Kulturës një ditë më parë ka publikuar logon dhe ka shpalosur agjendën shtetërore për shënimin e 25-vjetorit të Çlirimit të Kosovës.
Aktivitetet për shënimin e 25-vjetorit të Çlirimit të Kosovës nisin nga data 8 deri më 21 qershor.
E për atë se çfarë përfaqëson kjo logo, ka shkruar sot kryeministri Albin Kurti.
“Frymëzuar nga historia dhe kultura, motivet e ngjyrat që i gjejmë të qëndisura në veshjet tradicionale e të thurura në artizanatet tona, na vijnë të rifreskuara me dizajn modern.
Aty shohim profilin e pëllumbit të bardhë që simbolizon paqen e lirinë, si dhe simbolin e shqiponjës dykrenare e vigjilente, që është e ngulitur thellë në historinë e identitetin tonë kombëtar”, shkruan Kurti.
