Qeveria miraton vendimin përfundimtar për shpronësimin e pronave në Leposaviq dhe Zubin Potok

Qeveria e Kosovës në mbledhjen e mbajtur sot ka miratuar vendimin përfundimtar për shpronësimin e pronave të paluajtshme në Leposaviq dhe Zubin Potok.

Këto prona preken nga realizimi i “Projekteve Infrastrukturore për Interes Publik”, transmeton Lexo Shpejt.

“Vendimin Përfundimtar për shpronësim për interes publik i pronave të paluajtshme të pronarëve dhe zotëruesve të interesit të cilat preken nga realizimi i “Projekteve Infrastrukturore për Interes Publik”, në Komunën e Leposaviqit dhe Komunën e Zubin Potokut, në pajtim me aktgjykimet e plotfuqishme të gjykatave të Republikës së Kosovës”, thuhet në njoftimin e bërë nga Qeveria.

Qeveria këtë vendim e mori pas disa muajsh pasi kishte shtyrë marrjen e vendimin përfundimtar.

Bashkësia ndërkombëtare më herët ka reaguar për çështjen e shpronësimeve në veri të Kosovës, ndërsa Bashkimi Evropian ka shprehur shqetësim për “ndërtimin e bazave policore në toka private dhe shoqërore”.

Kundërshtime kishin paraqitur edhe serbët lidhur me shpronësimet që do të ndodhin në atë pjesë./LEXOSHPEJT/

Related Posts
Lexo më shumë

𝐙ë𝐯𝐞𝐧𝐝ë𝐬𝐦𝐢𝐧𝐢𝐬𝐭𝐫𝐢 𝐒𝐲𝐥𝐚 𝐯𝐢𝐳𝐢𝐭𝐨𝐢 𝐀𝐤𝐚𝐝𝐞𝐦𝐢𝐧ë 𝐞 𝐌𝐛𝐫𝐨𝐣𝐭𝐣𝐞𝐬 𝐬ë 𝐑𝐞𝐩𝐮𝐛𝐥𝐢𝐤ë𝐬 𝐬ë 𝐊𝐫𝐨𝐚𝐜𝐢𝐬ë

𝐙ë𝐯𝐞𝐧𝐝ë𝐬𝐦𝐢𝐧𝐢𝐬𝐭𝐫𝐢 𝐒𝐲𝐥𝐚 𝐯𝐢𝐳𝐢𝐭𝐨𝐢 𝐀𝐤𝐚𝐝𝐞𝐦𝐢𝐧ë 𝐞 𝐌𝐛𝐫𝐨𝐣𝐭𝐣𝐞𝐬 𝐬ë 𝐑𝐞𝐩𝐮𝐛𝐥𝐢𝐤ë𝐬 𝐬ë 𝐊𝐫𝐨𝐚𝐜𝐢𝐬ë Zëvendësministri i Mbrojtjes, Shemsi Syla, i shoqëruar nga…