Ndryshimi i numrit të ministrive do të jetë propozim ligji i parë që do të shqyrtohet nga përbërja e re e Kuvendit

Riorganizimi i Qeverisë dhe ndryshimi i numrit të ministrive do të jetë projektligji i parë që do të vihet para deputetëve për shqyrtim në parlamentin e ri, tha kryetari i ri i Kuvendit, Afrim Gashi.

Sipas tij, ndër vendimet ligjore prioritare është ligji që nuk do të lejonte zgjedhje të parakohshme për kryetarët e komunave, kryetarët e të cilave do të vendosin të hyjnë në pushtetin ekzekutiv, sepse vitin e ardhshëm vijnë zgjedhjet e rregullta lokale.

“Mendoj se është e gabuar dhe në kundërshtim me Kushtetutën që dikush zgjidhet për katër vjet, dhe një tjetër merr votat e popullit në zgjedhje me mandat tetë muajsh. Ne besojmë se kjo është jokushtetuese dhe duhet të korrigjohet me ligj që do ta mundësojë”, tha Gashi në një intervistë për “Radion Evropa e Lirë”.

Dy kryetar të komunave janë ndër politikanët që mund të bëhen ministra në qeverinë e re. Në mesin e deputetëve që hynë në përbërjen e re parlamentare të vendit është edhe kryetari i komunës së Sarajit, Blerim Bexheti, i cili u largua nga posti i kryetarit pas konfirmimit të mandatit të tij si deputet.

Presidentja Gordana Siljanovska-Davkova javën e ardhshme duhet ta japë mandatin për përbërjen e qeverisë së re. Afati ligjor për këtë procedurë skadon më 7 qershor.

Related Posts
Lexo më shumë

𝐙ë𝐯𝐞𝐧𝐝ë𝐬𝐦𝐢𝐧𝐢𝐬𝐭𝐫𝐢 𝐒𝐲𝐥𝐚 𝐝𝐡𝐞 𝐝𝐞𝐥𝐞𝐠𝐚𝐜𝐢𝐨𝐧𝐢 𝐢 𝐌𝐌-𝐬𝐞 𝐝𝐡𝐞 𝐅𝐒𝐊-𝐬𝐞 𝐯𝐢𝐳𝐢𝐭𝐮𝐚𝐧 𝐛𝐚𝐳𝐞𝐧 𝐮𝐬𝐡𝐭𝐚𝐫𝐚𝐤𝐞 𝐧ë 𝐓𝐮𝐫𝐪𝐢 𝐤𝐮 𝐩𝐨 𝐳𝐡𝐯𝐢𝐥𝐥𝐨𝐡𝐞𝐭 𝐔𝐬𝐡𝐭𝐫𝐢𝐦𝐢 “𝐄𝐅𝐄𝐒 𝟐𝟎𝟐𝟒”

𝐙ë𝐯𝐞𝐧𝐝ë𝐬𝐦𝐢𝐧𝐢𝐬𝐭𝐫𝐢 𝐒𝐲𝐥𝐚 𝐝𝐡𝐞 𝐝𝐞𝐥𝐞𝐠𝐚𝐜𝐢𝐨𝐧𝐢 𝐢 𝐌𝐌-𝐬𝐞 𝐝𝐡𝐞 𝐅𝐒𝐊-𝐬𝐞 𝐯𝐢𝐳𝐢𝐭𝐮𝐚𝐧 𝐛𝐚𝐳𝐞𝐧 𝐮𝐬𝐡𝐭𝐚𝐫𝐚𝐤𝐞 𝐧ë 𝐓𝐮𝐫𝐪𝐢 𝐤𝐮 𝐩𝐨 𝐳𝐡𝐯𝐢𝐥𝐥𝐨𝐡𝐞𝐭 𝐔𝐬𝐡𝐭𝐫𝐢𝐦𝐢 “𝐄𝐅𝐄𝐒…